UMABOT sa 95% ang employment rate ng bansa nitong Marso 2026, ayon sa inilabas na ulat ng Philippine Statistics Authority (PSA) nitong Miyerkules, Mayo 6. Katumbas ito ng tinatayang 49.07 milyong Pilipino na may trabaho o sariling pinagkakakitaan.

Sa hiwalay na ulat, lumabas na bahagyang bumaba ang unemployment rate sa 5.0% nitong Marso mula sa 5.1% noong Pebrero, indikasyon na mas maraming Pilipino ang nakapasok sa hanapbuhay sa nakalipas na buwan.

Nasa 63.3% o katumbas ng 51.65 milyong indibidwal ang kabuuang bilang ng mga kabilang sa labor force noong Marso, kabilang ang mga may trabaho at aktibong naghahanap ng hanapbuhay.