KINILALA ng Senado ang P-pop girl group na BINI matapos gumawa ng kasaysayan bilang unang grupong Pilipino na nagtanghal sa Coachella Valley Music and Arts Festival sa California.

Ipinagkaloob nina Senate President Vicente C. Sotto III at iba pang mga senador sa grupo ang kopya ng Senate Resolution No. 370 sa plenaryo nitong Miyerkules.

Ang resolusyon, na inakda ni Senador Paolo Benigno “Bam” Aquino IV, ay kumilala sa BINI para sa kanilang pagtatanghal sa festival sa Indio, California, at sa pagbibigay ng karangalan sa Pilipinas.

“For the first time, a Filipino group performed at one of the largest and most famous music festivals in the world. We can say that this success is a reflection of Filipino talent and skill on the global stage,” ani Aquino sa kanyang talumpati.

Sinabi ni Aquino na ang Coachella performance ng BINI ay tagumpay na dapat ipagdiwang habang patuloy na humaharap ang bansa sa iba’t ibang hamon.

“BINI’s success is a victory to be celebrated amidst the challenges and crises facing our country. During their performance at Coachella, they showcased our Filipino pride by incorporating traditional and elements of ‘Pantropiko’ into their costumes, music, and choreography. The cherry on top was when BINI introduced themselves in their native languages,” ani Aquino.

Sa ilalim ng resolusyon, kinilala ng Senado ang Filipino artists na nagpapakita ng excellence at nagbibigay ng karangalan sa bansa sa pamamagitan ng kanilang tagumpay sa global arena.

Binubuo ang BINI nina Maraiah Queen Arceta, o Aiah; Ma. Nicolette Vergara, o Colet; Mary Loi Yves Ricalde, o Maloi; Gweneth Apuli, o Gwen; Lindtsey Stacey Aubrey Sevilleja, o Stacey; Mikhaela Janna Lim, o Mikha; Joanna Christine Robles, o Jhoanna; at Sheena Mae Catacutan, o Sheena.

Tinukoy ng resolusyon ang pagtatanghal ng BINI sa Coachella noong Abril 10 at 17, 2026, at inilarawan ang festival bilang isa sa pinakakilala at pinakamalaking music festivals sa mundo, na dinadaluhan ng mahigit kalahating milyong tao sa loob ng dalawang weekend.

Bukod sa “Pantropiko,” kabilang sa 10-song setlist ng BINI ang “Shagidi,” “Salamin-Salamin” at “Karera.”

Sinabi ni Aquino na ipinakita ng grupo ang Filipino pride sa pamamagitan ng traditional elements, kabilang ang salakot at tropical-inspired attire, pati na rin ang pagsasanib ng contemporary at traditional styles sa kanilang costumes, music at choreography.

Sinuportahan din ni Senador Joel Villanueva ang resolusyon, kasabay ng pagsasabing ang Coachella performance ng BINI ay hindi lamang tagumpay ng grupo kundi isang makasaysayang tagumpay para sa Original Pilipino Music at sa mga Pilipinong nangangarap makilala sa buong mundo.

“And they didn’t just join the lineup — they really made a mark. BINI ranked 3rd among the Top Coachella Artists based on Earned Media Value (EMV), generating an impressive $5.4 million, next only to Justin Bieber with $6.9 million and Sabrina Carpenter with $6.4 million. They were also the most-viewed female act on Coachella’s Instagram during the entire festival,” ani Villanueva.

“In fact, when it comes to total online engagement, they came second to Justin Bieber — a true ‘Cherry on Top’ in the historic rise of OPM and Filipino talent on the global stage,” dagdag niya.

Dumating ang pagkilala ng Senado habang tinukoy ng mga mambabatas ang Coachella performances ng BINI bilang bahagi ng lumalawak na international reach ng Filipino artists.