NAKIISA ang Batangas Police Provincial Office (BPPO), sa pamumuno ni P/Col. Oliver Ebora, sa annual logistics inspection at physical count ng mga ari-arian ng PNP noong Huwebes sa Kampo Heneral Malvar.

Ito ay pinangasiwaan ng Regional Task Group Assets (RTGA) sa pamumuno ni P/Cpt. Eric Paul Mercene.

Nagkaroon ng physical inventory ng mga armas, bala, mobility assets, komunikasyon at IT equipment alinsunod sa PRO 4A IMPLAN No. 12-2026.

Layunin ng taunang inspeksyon na tiyakin ang transparency, wastong pagpapatala at pananagutan sa lahat ng ari-arian ng gobyerno na ipinagkatiwala sa mga pulis ng Batangas.