HANDA at alerto ang buong puwersa ng Batangas Police Provincial Office (BPPO) matapos ilagay ang Full Alert Status sa buong probinsya nitong Hunyo 30.

Personal na nirebisa ni Acting Provincial Director PCOL Oliver B. Ebora, mula sa BPPO Command Center, ang deployment ng mga pulis na nakatalaga sa mga Border Control Points at Strategic Security Control Points.

Layunin ng biglaang paghihigpit na masiguro ang kaligtasan ng mga Batangueño at mapigilan ang anumang uri ng kriminalidad.

Kasabay nito, nag-atas pa rin si Ebora ng maximum police visibility o mas naging madalas na pagpapatrolya ng mga awtoridad sa mga pampublikong lugar at mga boundary ng probinsya upang mabilis na matugunan ang anumang emergency.