KAMPO HENERAL MALVAR, Lungsod ng Batangas — Nasakote nong Lunes ang isang 36-anyos na construction worker na kabilang sa Regional Most Wanted Person matapos ang walong taong pagtatago sa batas sa lungsod ng Batangas.

Ang suspek na kinilalang si alyas Larry, residente ng Barangay Santa Clara, ay naaresto matapos isagawa ang manhunt operation ng Batangas Component City Police Station.

Dala ng pulisya ang warrant of arrest para sa apat na bilang ng sexual abuse na inilabas ng Regional Trial Court Branch 1 noong 2016, kung saan bnigyan ng bail ng halagang ₱800,000.

Nakatakdang iharap sa hukuman ang suspek habang kasalukuyang nakakulong sa local police custodial facility ng lungsod.