BINARIL at napatay ang hindi pa nakikilalang babae ng apat na suspek sa tagiliran ng Seminario Church sa Barangay Inarawan, Antipolo City, noong Martes.

Ayon sa Antipolo police, may suot na dog tag na may pangalang “Aiza” ang biktima nang barilin ng dalawa sa apat na hindi nakikilalang suspek.

Sakay ng dalawang motorsiklo ang mga suspek nang paulanan ng bala ang biktima na nasawi sa Mambugan Hospital.

Nagpapatila ng ulan ang babae nang biglang dumating ang mga suspek at pinagbabaril siya.

Tumakas ang mga salarin pagkatapos ng pamamaril.