KAMPO HENERAL MALVAR, Batangas City–Binisita ni P/Col. Oliver Ebora, director ng Batangas police, ang pulis na kasalukuyang naka-confine sa PNP General Hospital sa Camp Crame matapos ang operasyon sa paa.

Kinumusta niya ang nagpapagaling na pulis at nag-abot din ng tulong.

Tiniyak din ng opisyal ang buong suporta ng panlalawigang tanggapan hanggang sa tuluyang makarekober ang biktima.

Nakatuon ang Batangas PPO sa pagtataguyod ng may malasakit sa trabaho dahil naniniwala ang pamunuan na ang malusog at masayang kapulisan ang susi sa mas epektibong paglilingkod sa mga mamamayan.