ISANG hindi-kilalang lalaki ang binaril at napatay ng hindi rin nakilala at nakatakas na salarin sa Cabrera Road, Brgy. San Roque, Antipolo City, Rizal noong Huwebes.

Naka itim na jacket, gray na jogger pants at tinatayang nasa 5’5 hanggang 5’6 ang biktima, ayon sa mga pulis.

Bandang alas-3:00 ng madaling isang tawag sa telepono ang natanggap ng mga pulis ang report ng isang residente tungkol sa naganap na pamamaril.

Pagdating ng mga pulis sa pinangyarihan ng krimen, natagpuan ang wala ng buhay na biktima na nakahandusay sa gilid ng kalsada. May natagpuan din na dalawang basyo ng bala ng .9mm caliber na hinihinalang mula sa hindi kilalang salarin.