NAGBIGAY sa Laguna ng libreng bakuna laban sa tigdas at rubella para sa mga bata noong Lunes sa provincial capitol compound.

Layunin ng programa na maprotektahan ang mga bata laban sa mga sakit na maaaring maiwasan sa pamamagitan ng pagbabakuna.

Isinagawa ang vaccination activity bilang bahagi ng Phase 2 ng Nationwide Measles-Rubella Supplemental Immunization Activity (MR-SIA) sa CALABARZON alinsunod sa programa ng Department of Health (DOH).

Sa inisyatibong ito, nabibigyan ang mga bata ng karagdagang proteksyon laban sa tigdas at rubella at hinihikayat ang mga magulang na makibahagi sa mga programa sa pagbabakuna upang mapangalagaan ang kalusugan ng kanilang mga anak.