HINIHINALANG nalunod ang isang mangingisda matapos matagpuan sa kanyang bangka sa Laguna de Bay sa bahagi ng Bgy. Nanhaya, Victoria,Laguna, Martes ng gabi.

Sa ulat ng Victoria Municipal Police Station, kinilala ang biktima na si alyas Fermin, nasa hustong gulang.

Natagpuan ang bangkay ng biktima bandang 7: 30 ng gabi.

Base sa salaysay ng pamilya, mga bandang alas 5:00 ng hapon nagpaalam ito upang tingnan ang kanyang bangka sa tabi ng lawa.

Pinuntahan ng pamilya ang bangka ng biktima nang hindi ito bumalik sa kanilang tahanan.

Pinuntahan din ng Victoria Rural Health officer kung saan pinaniniwalang nalunod nga ang mangingisda.

Tumanggi ang pamilyang isailalim sa awtopsy ang bangkay ng biktima. Wala ring indikasyon na may foul play sa insidente.