SUMUKO noong Biyernes sa mga pulis ang isang miyembro ng Communist Terrorist Group (CTG) sa Camp Colonel Jose Razon, Sitio Palico, Brgy. Bilaran, Nasugbu, Batangas, ayon kay Batangas police director P/Col. Geovanny E. Sibalo.

Boluntaryong sumuko si alyas Iya, miyembro ng Haligi ng Batangueñong Anak Dagat (HABAGAT) Batangas Chapter, sa Nasugbu police station.

Isinuko rin niya ang isang 40mm grenade.

Pagkatapos sumuko, nakatanggap si Iya ng tulong pinansyal, suplay ng pagkain, at paunang suporta upang mapadali ang kanyang paglipat mula sa pagiging CTG member.

“Ang aksyong ito ay nagpapakita ng pagiging epektibo ng pinatinding operasyon sa pagkalap ng impormasyon, pakikipag-ugnayan sa komunidad at pagpapatupad ng batas,” ayon kay Col. Sibalo.

“Pinapalakas nito ang aming mga pagsisikap upang matiyak na ang mga komunidad ay mananatiling ligtas, secure at malaya mula sa mga banta ng insurhensiya,” dagdag pa ni Sibalo.