KAMPO HENERAL MALVAR–Timbog noong Martes provincial-level Most Wanted Person sa Brgy. Poblacion 1, Bauan, Batangas dahil sa qualified theft.

Kinilala ang suspek na si alyas Cesiah, 32.

Isinagawa operasyon bitbit ang warrant of arrest na inilabas ng Regional Trial Court (RTC) Branch 8, Batangas City.

Patong-patong na kaso ang haharapin ng akusado dahil sinasabing may kinalaman ito sa 44 na bilang ng kasong qualified theft, na may piyansang P1,570,000 para sa kanyang pansamantalang kalayaan.

Pinangunahan ni PCol. Oliver Ebora ang operasyon katuwang ang mga awtoridad ng Bauan 403rd RMFB4A at 2nd BPMFC.

Kasalukuyang nakakulong ang suspek sa piitang bayan ng Bauan.