HINDI na nakaporma noong Sabado ang lalaking suspek sa limang counts ng panghahalay ng tikluin ng mga pulis sa tabi ng Q Plaza mall sa Brgy. San Isidro, Cainta, Rizal.

Bandang alas-10:30 ng umaga naaresto si alyas Zedrick na akusado ng limang bilang ng kasong qualified rape sa isang menor de edad.

Nahuli siya ng mga miyembro ng Cainta police bitbit ang warrant of arrest na inisyu ni Presiding Judge Marissa Pajuelas Estabaya ng Regional Trial Court, Fourth Judicial Region, Branch 111 ng Bacoor City, Cavite.

Ang hukom ay walang inirekomendang piyansa sa bawat bilang ng nabanggit na kaso.

Kasalukuyang nakakulong ang akusado sa piitang bayan ng Cainta.