LIPA CITY, Batangas–Ipinagdiwang sa syudad na ito ang mapayapang kapistahan na ginanap bilang pagkilala sa patron saint na si San Sebastian, ayon kay P/Lt. Col. Aleli Cuyan Buaquen, hepe ng Lipa City police.

Ang programa, na pinamagatang “Sining at Saya: Lipa City Town Fiesta Night,” ay ginanap sa Plaza Independencia sa Brgy. 11, Lipa City, Batangas.

Siniguro ng mga pulis na ligtas at maayos ang kaganapan, hindi lamang para sa mga residente ng Lipa kundi sa lahat ng bisita.

Nagpasalamat ang hepe ng pulis sa lahat ng ahensya na tumulong sa Lipa police sa pagpapanatili ng kapayapaan at kaayusan ng pista.

Pinasalamatan din ng hepe ang publiko sa kanilang kooperasyon at pagtalima sa mga patakaran sa pagdiriwang.