KAMPO VICENTE LIM, Calamba City–Pinarangalan ng Police Regional Office 4A si Police Colonel Glenn Lonogan, Deputy Regional Director for Administration, ng maging Police Brigadier General noong Huwebes.

Ipinaabot ni PRO 4A acting director P/BGen. Dominic Baccay ang kanyang pagbati kay Lonogan sa kanyang pamumuno, propesyonalismo at dedikasyon sa serbisyo publiko.

“Malaki ang aking tiwala sa kakayahan ni PBGen. Lonogan na patuloy na magsilbing inspirasyon sa buong pwersa ng PRO 4A sa pamamagitan ng kanyang tapat at dedikadong pamumuno,” pahayag ni Baccay.

Nagpasalamat si Lonogan sa Poong Maykapal, sa kanyang pamilya, mga naging mentor at mga kasamahan sa serbisyo.