CAMP TOLENTINO, BATAAN — Dalawang pinaghihinalaang pusher ang nahuli noong Linggo ng umaga sa buy-bust sa Orion at Limay at mahigit P370,000 na halaga ng shabu at baril ang nakuha sa mga suspek.

Sinabi ni Major Jimmy Albert Decin, hepe ng Limay police, na nasakote sa Brgy. Duale ang suspek na may dalang 53.58 na gramo ng shabu na may standard price na P363,664.

Sa Brgy. Sabatan, Orion, naaresto ang 32-anyos na lalaki na may dalang mahigit P9,000 na halaga ng shabu at cal .22 rifle.