Regine

Regine welcome sumali sa ‘3̶A̶M̶ 3PM Club’ … World Menopause Month ipinagdiwang

Ian F Fariñas Nov 17, 2026
31 Views
Regine1Isa si Regine Velasquez sa masusuwerteng misis na may super supportive hubby tulad ni Ogie Alcasid habang dumaraan sa mga pagbabagong dulot ng menopause.
Hindi lang iisang beses naikwento ng 56-year-old Songbird ang pagiging dedicated ni Ogie na aniya pa’y talagang nag-research para maalalayan siya.
Agree naman sina Claudine Viquiera, ProAge Beauty founder at certified menopause coach, at Jasmin Vinculado, co-founder at presidente ng SecondSpring, na maswerte nga si Regine sa pagkakaroon ng isang Ogie.
Sa “Welcome to the 3̶A̶M̶ 3PM Club” celebration ng World Menopause Month noong October 29, isang kolaborasyon ng menopause wellness brands na ProAge at SecondSpring, sinabi ni Claudine na sana, lahat ng babae, mapa-showbiz man o hindi, matutong yakapin ang transition na ito sa mga buhay nila.
“So first is, of course, awareness… na yung alam mo that you’re going through that, and then, acceptance is important… na nandu’n ako, so anong gagawin ko?
“So kay Miss Regine, I hope you can join us and be part of the movement because having a celebrity talk about her own journey would help other women feel safer to talk about their own,” turan ni Claudine, na kabilang din sa itinatag na grupong WMPower (Women in Midlife for Partnership, Openness, Wellness, Equity and Reform).
Para naman kay Jasmin, ang mga celebrity gaya ni Regine ay may kakayanang i-normalize ang discussion tungkol dito nang walang shame o embarrassment.
Patuloy niya, “Even when we’re starting the journey, sabi ko, ‘hey, I’m talking about it.’ It’s not enough that you talk about it. The second component or the more important one is to invite others, you know.
“Kasi I say this, parang a chorus of women is impossible to ignore. One voice can say something but it needs to be a chorus. And as singer, you understand us. Hindi pwedeng isang boses lang, kailangan may back-up, like, you know, it’s really like a symphony of voices,” dagdag niya.
Maliban kay Regine, aktibo rin sa pagse-share ng kanilang menopausal journey sa digital platforms ang mga tulad nina Bernadette Sembrano, Suzi Entrata-Abrera at Amy Perez.
Sina Bernadette at Suzi, nakibahagi rin sa “Welcome to the 3̶A̶M̶ 3PM Club” kasama ang mahigit 30 pang kababaihan na nasa midlife journey.
Malinaw ang pinagdaraanan ng mga babaeng ito sa pangalan pa lang ng club. Tuwing 3AM kasi, karaniwang gising ang mga nagpe-perimenopause at tuwing 3PM naman, nagka-crash ang energy level ng mga ito.
Nagkaroon ng “expert speed dating” sa nasabing event na idinaos sa Bistro Aurora sa Podium. Doon ay nagkaroon ng tsansa ang guests na direktang magtanong sa mga specialist sa climacteric medicine, nutrition, fitness at mental health sa pamamagitan ng maiikli at face-to-face sessions.
“We’ve spent decades treating menopause as something to whisper about and wait out,” sey ni Jasmin. “Knowing your symptoms is the starting point, not the destination. What changes a woman’s experience is knowing what she can do, and walking into this stage expecting strength instead of decline.”
Para naman kay Claudine, “It’s about time women in midlife are seen, heard and understood. Jas and I came together because of this and because our products are made specifically for US.”
Natapos ang okasyon sa tinawag nilang “Meno Medley,” isang menopause-themed take sa hit ABBA tune na “Dancing Queen”, kung saan nagsitayo’t nagsayawan ang participants.
“We celebrate debuts and we hold showers for mothers. It’s time we celebrate the menopause,” diin nina Jasmin at Claudine. “This is our invitation to every woman, every friend group, to throw one!”