ANTIPOLO CITY, Rizal–Nalambat noong Lunes ng mga awtoridad ang lalaking suspek sa walong bilang ng sexual assault sa Brgy. Dela Paz ng siyudad na ito.

Kinilala ng Antipolo City police ang suspek na si alyas Fuji na nadakip bandang alas-6:05 ng gabi sa Purok Silangan.

Ang warrant of arrest para sa suspek ay ipinalabas noong Hunyo 9 ni Presiding Judge Anna Zita B. Abuda-Caballegan ng Regional Trial Court, Branch 17 ng Antipolo City.

Walang inirekomendang piyansa para sa pansamantalang kalayaan ng suspek na nasa piitan ng pulisya ng lungsod.