MAGANDANG araw sa lahat ng ating mambabasa, lalo na sa mga kababayan natin diyan sa Japan.

Nawa’y nasa mabuti kayong kalagayan at kalusugan.

Binabati natin sina Ma. Theresa Yasuki, Patricia Coronel, Aimi Houchii, La Dy Pinky, Chato Coronel, Yoshiko Katsumata, Endo Yumi, Roana San Jose, Hiroki Hayashi, Winger dela Cruz, at si Hiroshi Katsumata.

Ganun din kay Joanne de Guzman at iba pang OFW natin sa Oman at Jess Manuel ng Saudi Arabia.

****

“If you look at Commissioner (Ariel F) Nepomuceno, he is the best I’ve ever seen, he really catches them.”

Ito ang sinabi kamakailan ni dating Trade and Industry Undersecretary Ernesto M. Ordonez, chairman ng “Alyansa Agrikultura.”

Sa ngayon ay abala ang mga taga-Bureau of Customs (BOC) sa paghabol sa mga nagpapasok ng mga kontrabando sa bansa.

Pinuri ni Ordonez si Commissioner Nepomuceno “for strengthening enforcement measures to prevent the entry of substandard steel products.”

Sinabi naman ni Nepomuceno na “Makakaasa ang ating mga legitimate (steel) manufacturers na patuloy nating paiigtingin ang customs enforcement upang matiyak ang fair competition at mapigilan ang pagpasok ng substandard steel products.”

“Sa pamamagitan ng mas mahigpit na border controls, mapoprotektahan natin ang consumers, local industry, at government revenues.”

Ayon pa kay Nepomuceno, “BOC remains steadfast in its commitment to upholding integrity, enhancing operational efficiency, and reliable service.”

Sunod-sunod na ang mga papuring tinatanggap ni Nepomuceno at BOC dahil sa patuloy na magandang serbisyong ipinapakita ng men and women in uniform.

Mismong si Pangulong Ferdinand R. Marcos Jr. ay nalulugod sa performance ng mga taga-aduana.

Tinanggap din nina Nepomuceno ang “Champions of the Industry Award for Public Service and Business Partnership Excellence.”

Ibinigay ang nasabing award noong CAMANAVA Business Conference 2026.

Ang conference ay inorganisa ng Philippine Chamber of Commerce and Industry (PCCI) National Capital Region (NCR) North Sector.

Hindi katakataka na umaani ang papuri ang mga taga-waterfront dahil “BOC remains steadfast in its commitment to upholding integrity, enhancing operational efficiency, and reliable service.”

May standing order si Pangulong Marcos sa BOC na higit pang paigtingin ang kampanya laban sa ismagling, korapsyon, at iba pang kalokohan sa aduana.

****

Kamakailan ay nakakumpiska ang Bureau of Customs (BOC), Port of Cebu, ng dalawang 40-foot containers na may lamang regulated medical devices.

Nagkakahalaga ng P1.041 milyon, ang mga medical devices ay misdeclared as “water purifier tubes and bags.”

Nang buksan ang shipment ay nakita ng mga otoridad na ang laman pala ay 24,000 peritoneal dialysis drainage bags, 43,200 sterile disposable intravenous (IV) infusion/administration sets, at 11,520 hemodialysis blood tubing sets.

Sa isang press statement, sinabi ng BOC na “the examination established that the actual goods did not correspond with the declared description.”

Ang mga items ay “regulated medical devices subject to applicable Food and Drug Administration (FDA) requirements.”

Kaagad na nag-isyu si Port of Cebu District Collector ZsaeCarrie C. de Guzman ng Warrant of Seizure and Detention (WSD) laban sa shipment.

Ang shipment ay lumabag sa Customs Modernization and Tariff Act (CMTA) at FDA laws, rules, at regulations.

Sinabi ni Commissioner Nepomuceno na determinado ang BOC na pigilan ang iligal na pagpasok sa bansa ng regulated goods, lalo na ang mga produktong makakaapekto sa “public health and safety.”

“We will ensure that medical devices entering the country are properly declared and comply with all applicable requirements,” dagdag pa niya.

(Para sa komento at pagbati, mag-text sa 0917-8624484)